Campanas de Bastabales - Amancio Prada

Campanas de Bastabales

Compositor/Letrista

Rosalía de Castro

Letra

Campanas de Bastabales, cando vos oio tocar, mórrome de soidades.  Cando vos oio tocar, campaniñas, campaniñas,  sin querer torno a chorar.  Cando de lonxe vos oio, penso que por min chamades e das entrañas me doio.  Dóiome de dór ferida, que antes tiña vida enteira e hoxe teño media vida.  Só media me deixaron os que de aló me trouxeron, os que de aló me roubaron.  Non me roubaron, traidores, ¡ai!, uns amores toliños, ¡ai!, uns toliños amores.  Que os amores xa fuxiron, as soidades viñeron... De pena me consumiron.  Campanas de Bastabales, cando vos oio tocar, mórrome de soidades.

Intérprete

Amancio Prada

Amancio Prada - Vamos bebendo

Vamos bebendo

Compositor/Letrista

Rosalía de Castro

Letra

Teño tres pitas brancas e un galo negro, que han de poñer bós ovos andando o tempo; y hei de vendel-os caros polo xaneiro; y hei de xuntal-os cartos  para un mantelo; y hei-lo de levar posto no casamento; y hei..: Pois mira, Marica, val por un neto, que antramentas non quitas  eses cerellos, y as pitas van medrando co galo negro,  para poñel-os ovos e todo aquelo do xaneiro, dos cartos  e o casamento, miña prenda da y-alma,  ¡vamos bebendo!

Intérprete

Amancio Prada

Adiós ríos, adiós fontes - Amancio Prada

Adiós ríos, adiós fontes

Compositor/Letrista

Rosalía de Castro

Letra

Adiós, ríos; adiós fontes;  adiós , regatos pequenos;  adiós, vista dos meus ollos,  non sei cando nos veremos. Miña terra, miña terra,  terra donde me eu criei,  hortiña que quero tanto  6gueiriñas que prantei, prados, ríos, arboredas,  pinares que move o vento,  paxariños piadores, casiña do meu contento, muíño dos castañares,  noites craras de luar,  campaniñas trimbadoras  da igrexiña do lugar, amoriñas das silveiras que eu lle daba ó meu amor,  camiñiños antre o millo,  ¡adiós, para sempre adiós! ¡Adiós groria! ¡adiós contento!  ¡Deixo a casa onde nacín, deixo a aldea que conoço por un mundo que non vin! Deixo amigos por estraños,  deixo a veiga polo mar, deixo, en fin, canto ben quero...  ¡Quén pudera non deixar...! Adiós, adiós, que me vou,  herbiñas do camposanto,  donde meu pay se enterróu,  herbiñas que biquey tanto,  terriña que nos crióu. Xa se oyen lonxe, moy lonxe,  as campanas do Pomar;  para min, ¡ay!, coitadiño,  nunca roáis han de tocar. Xa se oyen lonxe, máis lonxe...  Cada balada é un dolor;  voume soyo, sin arrimo... Miña terra, ¡adiós!, ¡adiós! ¡Adiós tamén, queridiña...!  ¡Adiós por sempre quizá.....!  Dígoche este adiós chorando  dende a beiriña do mar. Non me olvides, queridiña,  si morro de soidás... Tantas légoas mar adentro...  ¡Miña casiña! ¡meu lar!

Intérprete

Amancio Prada

ESCUCHAR

Luz Casal - Negra sombra

Negra sombra

Compositor/Letrista

Rosalía de Castro

Letra

Cando penso que te fuches  negra sombra que me asombras  ó pé dos meus cabezales  tornas facéndome mofa  Cando maxino que es ida  no mesmo sol te me amostras  i eres a estrela que brila  i eres o vento que zoa  Si cantan, es ti que cantas  si choran, es ti que choras  i es o marmurio do río  i es a noite i es a aurora  En todo estás e ti es todo  pra min i en min mesma moras  nin me dexarás nunca  sombra que sempre me asombras.

Intérprete

Luz Casal

ESCUCHAR